С нами 17186 учителей, 7305 учеников.
Присоединяйтесь – это бесплатно!
200
моих комментариев
4
блога
0
сообществ
10
учебных материалов
0
статей
0
мастер-классов
0
экскурсий
0
дискуссий
0
новостей
Эльмира Зарафутдинова, (на сайте с 04.02.2014 г.)
Был(а) на сайте 2 недели назад
Рейтинг: 48.29/283
326 975
просмотров
235
комментариев
391
место в рейтинге

Мин – укытучы! Чәчкән орлыкларым
Акыл җимешенә әйләнгән.
Чөнки илем, халкым киләчәге
Минем хезмәтемә бәйләнгән.
Эштән соң, таныш сукмаклар аша, уй-фикерләр дөньясына чумып, узган гомер чакрымнарын күңелемнән барлый-барлый, салмак кына атлап, өйгә кайтып барышым. Матур кышкы кич... Башымда мең төрле уй... Күктә йолдызлар җемелди. Шул йолдызларга карап сокланам мин, чөнки һәр укучымны йолдызларга тиңлим. Алар да йолдызлар сыман: яктырак җемелдәгәне дә, янып китә алмый торганы да бар.
Мин – укытучы, бу дөньяда иң саваплы эш башкаручы, иң изге һөнәр иясе. Беренче башлап мәктәп бусагасын атлап кергән көннән алып, зур тормышка озатып соңгы кыңгырау чыңлаган көнгә кадәр бала белән һәрчак янәшәдә укытучы атлый. Мин үзем – укытучылар династиясен зур горурлык белән дәвам итүче бер вәкил. Әтием белән әнием гомерләрен балаларга белем һәм тәрбия бирүгә, туган телебезне һәм гореф-гадәтләребезне саклап калуга багышлаган. Алар миндә  оешканлык, хезмәт сөю, намуслылык тәрбияләгән. Бу сыйфатлар миңа яраткан эшемә нигез салганда ярдәм иттеләр. Шушы изге һөнәргә гомеремне багышлау – тормышымның мәгънәсе. Минем уйлавымча, һәр кеше, дөньяга аяк басканда, күптән язылып куйган эш башкару өчен килә. Әмма бар ниятләр бер төрле булса, тормышның бөеклеге, мәгънәсе югалыр иде. Шул ниятләрнең иң абруйлысын башкару бәхете мине дә урап үтмәде. Шушы берчә могҗизалы, берчә үзенә тартып торган мәктәп  дөньясында укытучы булып эшләвем белән горурланам.
“Балаларга йөрәгемне бирәм”, - дип юкка әйтмәгәндер В.А.Сухомлинский. Мин бу юллар белән тулысынча килешәм, чөнки укытучы баланы белем дөньясына алып керә, яхшыны яманнан аерырга, хезмәт һәм иҗат шатлыгын тоярга өйрәтә, фикерләү сәләтен үстерә, дөньяга карашын формалаштыра, аңардан шәхес тәрбияләүгә бөтен көчен куя.
Укытучы! Җанын телем-телем
Кисәкләргә телеп сала да
(Нинди олы җанлы булу кирәк!)
Бүлеп бирә һәрбер балага.
Илнең киләчәге – балалар. Мин тормышымны шушы эчкерсез, саф күңелле, самими карашлы, һәр сүземне үтәргә әзер торучы укучыларымнан башка күз алдыма да китерә алмыйм. Иманым камил: һәрбер бала үзенчә сәләтле. Укытучы балада булган шул сәләтне күрә белергә, аны ачарга, шәхес буларак үсәргә ярдәм итәргә тиеш. Әйе, әхлаклы, төпле фикерле шәхес тәрбияләүдә укытучының өлеше әйтеп бетергесез зур. Баланы шәхес итеп тәрбияләү бик катлаулы эш. Укучының психологиясен, физиологиясен яхшы белү мөһим. Баланың физик һәм психик тазалыгы, гаиләдәге климат, әти-әнисенең үзара мөнәсәбәтләре күз алдында торырга тиеш. Аларның тумыштан бирелгән сәләтен ачып, аны шәхес итеп тәрбияләү миңа – ана теле укытучысына – яңадан-яңа бурычлар өсти.
Эшне нәрсәдән башлыйм соң? Укучыларны ничек укытырга? Ә җанга якын туган телебезгә сөюне ничек уятырга һәм бу максатларга ничек ирешергә? Ана телебезне, кирәге беткән әйбер кебек, онытылуга дучар итмәбезме? Болар минем өчен иң катлаулы сораулар. Ләкин шуны беләм: мин туган телемне өзелеп яратам, һәм бу мине үз эшемә һәрвакыт нәтиҗә ясарга, тагын да җаваплырак булырга этәрә. Укучыларда үзаллылык, танып белү активлыгы тәрбияләү, тел байлыгын үстерү, өзлексез белем алу өчен шартлар булдыру укытучының профессиональ белем-күнекмәләре, дөньяны танып белү процессында эшли алуына бәйләнгән. Балаларны туган телен өйрәнүгә кызыксындыру максатыннан чыгып, компьютер технологиясенең алымнарын, күргәзмәлелек, проектлау технологиясенең формаларын, видеоматериаллар, тестлар кулланып эшлим; укучыларда намуслылык, кешелеклелек, тугрылык, батырлык, Туган илгә, җиргә, халыкка, хезмәткә сөю тойгысы һәм шәхес тәрбияләү өчен зур мөмкинлекләр тудырырдай әдәби текстларга игътибар итәм. Мин һәрчак милләтемнең, телемнең саклануы, үсеше өчен зур җаваплылык тойгысы белән яшим һәм эшлим. Предметка кызыксыну уятуда укытучының нинди шәхес булуы да зур роль уйный. Ул, беренче чиратта, үз предметын яратырга, күңелен салып, мавыгып, сайлаган һөнәренә бирелеп эшләргә, балада үзенең көченә ышаныч тудырырга тиеш.
Мин үземне яңгыр тамчысы белән  чагыштырам. Ул да бит һәрбер орлыкны үстерүдә катнаша. Минем бурычым- укучыларымның асылын табу, аларның сәләтләрен ачу, тормышта дөрес юл табарга ярдәм итү. Шытып чыккан орлык бүгенге  шартларда югалып калмасын, җәмгыятьтә үз урынын тапсын өчен, язмыш куйган киртәләрне җимереп, тәвәкәллек, зур тырышлык белән алга омтылып, икътисади-сәяси тормыш шартларына яраклашып, уңышларга ирешергә тырышым. Кешелекнең киләчәге бүгенге укытучылар кулында булуын бер минутка да исемнән чыгармыйм. Ни чәчсәң – шуны урырсың,  дигән тапкыр әйтем бар. Без балаларыбыз күңеленә нинди орлык сала алсак, хезмәтебезнең җимеше шулай булачак.
...Аяк астында кар шыгырдый: шыгыр-шыгыр... Бу шыгырдау башкарылган эшләремне дә хәтерләтә, әле башкарыласыларның күп булуын да искәртә сыман. Ап-ак кар өстеннән атлау ничек күңелле! Укытучы гомер буе әнә шул аклыкка эз сала бит. Бала күңеле ап-ак кардай чиста. Ә без – шул аклыкка тирән юллар сызучылар. Күккә карыйм. Ап-аяз күктә йолдызлар һаман җемелдәшә. Алар бит минем “укучыларым”. Һәркайсы якты йолдыз булып балкый. Күбесе уңышлары белән мине уздырып та җибәрәләр. Чын күңелдән сөенәм мин алар өчен. Шулар белән горурланам, үземә бетмәс көч алып яшим.
Укучыларымның тормышларын уңай якка үзгәртүче, биек үрләргә менәргә ярдәм итүче, якты йолдыз итеп яндыручы укытучы була алсам, мин, һичшиксез, бәхетле.
“Галәмдә йолдызлар кабына.
Синең зур хезмәтең шуларда чагыла”. 
                                        Э. Мөэминова

Комментарии (235)

#1 Эльмира Табрисовна, вы на чём любите путешествовать? А вот Юлия Михайлюк – рекордсменка Книги рекордов России, путешествует на велосипеде.uchportfolio.ru/blogs/read/?id=1775
Наталья Фокина, дата: 06.07.2015 в 11:04  
#2 Эльмира Табрисовна, Добрый день!Приветствую Вас на сайте! Желаю творческих успехов в оформлении портфолио! Приглашаю Вас посетить мои страницы! Буду признательна Вашим комментариям!
Ольга Даниловская, дата: 06.07.2015 в 10:56  
#3 Эльмира Табрисовна, Добрый день!Приветствую Вас на сайте! Желаю творческих успехов в оформлении портфолио! Приглашаю Вас посетить мои страницы! Буду признательна Вашим комментариям!
Ольга Даниловская, дата: 06.07.2015 в 10:56  
#4 Эльмира Табрисовна, Желаю в день рождения успеха, Энергии,здоровья,доброты, Событий интересных,дружбы,смеха, И наяву исполненной мечты! Хороших впечатлений,встреч прекрасных, Большой удачи,радости и сил, И чтобы каждый вечер было ясно, Что день минувший вновь счастливым был!
Ольга Даниловская, дата: 06.07.2015 в 10:56  
#5 Эльмира Табрисовна, Уважаемые коллеги. Всем огромное спасибо за поздравления. Очень приятно.
Эльмира Зарафутдинова, дата: 06.07.2015 в 10:54  
#6 Эльмира Табрисовна, Приветствую Вас на сайте! Поздравляю с наступающим Днем Рождения! Хочу успехов пожелать во всем, Сама судьба пусть в жизни помогает, И за одним хорошим, добрым днем, Другой, еще прекрасней, наступает. Пусть все, кто дорог, счастливо живут, Ведь счастье близких очень много значит, Пусть в жизни встречи радостные ждут, Любви, здоровья и большой удачи! Вам мой + в поддержку!!! Заходите в гости. Буду рада Вашим отзывам в блогах, комментариям и поддержке.
Ирина Матюшина, дата: 06.07.2015 в 10:31  
Чтобы оставить комментарий, пожалуйста, зарегистрируйтесь и авторизируйтесь на сайте.
Страницы
ВЕРСИЯ ДЛЯ СЛАБОВИДЯЩИХ